Klyppsstaðarkirkja í Loðmundarfirði var vígð á jóladag árið 1895. Í kirkjunni er ein klukka sem hangir í porti ofan við útidyr kirkjunnar. Klukkan er ómerkt, 30,4 cm á hæð og 27 cm í þvermál. Árið 1896 kemur fram í vísitasíu prófasts að þá séu tvær klukkur í kirkjunni. Þær komu úr Desjarmýrarkirkju og voru úr sér gengnar. Þá stóð til að fá lánaða klukku úr Vestdalseyrarkirkju. Árið 1899 kom svo fram að sú klukka væri orðin eign Klyppsstaðarkirkju.¹

Hringjari og upptaka: Gunnar Árnason, 11. júlí 2021.
Ljósmynd af Klyppstaðarkirkju: Magnús R. Jónsson
Ljósmynd af prestum framan við kirkjuna: Ingvi Örn Þorsteinsson